„Í mínum huga skuldar Ríkisútvarpið skýringar á þeim ákvörðunum sem þarna bjuggu að baki. Það er lágmark að gera þá kröfu að það sé engum vafa undirorpið að Ríkisútvarpið, fjölmiðill í almannaþágu, fylgi lögum og ræki hlutverk sitt af fagmennsku og heilindum.“

Þetta sagði Hildur Sverrisdóttir þingflokksformaður Sjálfstæðisflokksins í ræðu á Alþingi á þriðjudag, þegar rætt var um störf þingsins.