Treville á leið til Akureyrar í viðgerð

Hollenska flutningaskipið Treville sem varð vélarvana út af Melrakkasléttu og fært í togi til Húsavíkur er nú við fjarðarmynnið á Eyjafirði.

Dráttarbáturinn Seifur sigldi frá Akureyri til að sækja Treville og er með fluningaskipið nú í togi. Stefnan er á Akureyri þar sem fyrirhugað er að gera viðgerðir á skipinu.

Fjöldi viðbragðsaðila var kallaður út þegar skipið tilkynnti að það væri vélarvana og var á reki í átt að landi. Kölluð var út þyrlusveit, sjóbjörgunarsveitir og varðskipið Freyja. Tókst að stöðva rek skipsins með því að láta akkeri þess falla.

Frétt af mbl.is

Kom til Húsavíkur í togi

• Blogga um frétt