Forsvarsmenn ferðaskrifstofa segja bókunarstöðu Íslendinga í ferðir til útlanda í sumar með svipuðum hætti og á síðasta ári.
Andrés Jónsson, forstöðumaður hjá Icelandair Vita, segir bókunarstöðuna sambærilega því sem hún var á sama tíma í fyrra.
„Sumarið lítur mjög vel út hjá okkur og eftirspurnin í takt við í fyrra. Fólk ráðstafar ferðalögum ofarlega á listann,“ segir Andrés. Bæði borgarferðir og sólarlandaferðir njóti mikilla vinsælda.
„Tenerife, Alicante, Madeira, Calpe, Costa Brava, Salou og Gran Canaria standa fyrir sínu með frábæru úrvali á gistingu en Ítalía er einnig vinsæl og borgarferðir bæði með og án fararstjóra eru eftirsóttar. Golfferðirnar okkar á vegum Peters Salmons eru vinsælar í vor og haust. Við höfum einnig fengið frábær viðbrögð varðandi siglingaferðirnar okkar. Síðan höfum við fengið góð viðbrögð við tónleikaferðum sem við höfum verið með,“ segir Andrés.
Lestu meira um málið í ViðskiptaMogganum í dag.