Aron Jóhannsson, framherji sænska knattspyrnufélagsins Hammarby, var á skotskónum í 4:2-heimasigri liðsins gegn Mjällby í sænsku úrvalsdeildinni í dag.
Aron skoraði annað mark leiksins strax á 5. mínútu eftir að Gustav Ludwigson hafði komið Hammarby yfir.
Ludwigson bætti við þriðja marki Hammarby áður en Mamudo Moro minnkaði muninn fyrir Mjällby.
Tim Söderström bætti við fjórða marki Hammarby á 62. mínútu áður en David Batanero skoraði annað mark Mjällby á 69. mínútu og þar við sat.
Þetta var níunda mark Arons í sænsku úrvalsdeildinni í síðustu ellefu leikjum Stokkhólmsliðsins.
Alls hefur Aron leikið átján leiki í deildinni á tímabilinu en sjö sinnum hefur hann komið inn á sem varamaður.
Hammarby er í fimmta sæti deildarinnar með 36 stig, 11 stigum minna en topplið Malmö, þegar sex leikir eru eftir af tímabilinu.
Mark Arons má sjá hér fyrir neðan:
#Bajen pic.twitter.com/8hTAOX2403
— Hammarby Fotboll (@Hammarbyfotboll) October 18, 2020