10 til 15 skip þegar farin á miðin
Skipverjar á Saxhamri SH frá Rifi voru ekki lengi að drífa síg á sjó þegar samningar tókust milli sjómanna og SFS nú í kvöld.
Mynd/Alfons Finnsson
Setja bókamerki
Strax og ljóst var hver niðurstaða atkvæðagreiðslu sjómanna um nýjan kjarasamning var nú í kvöld hófu fiskiskip að halda úr höfn víðs vegar um landið. Samkvæmt upplýsingum frá tilkynningarskyldunni hjá Landhelgisgæslunni hafa þegar 10-15 skip tilkynnt sig inn á leið á miðin.
Aðeins 3-4 vikur eru eftir af loðnutímabilinu og er mest áhersla lögð á að ná henni upp áður en það verður of seint. Loðnukvótinn var nýlega hækkaður upp í 196 þúsund tonn og er mestallt óveitt af þeim kvóta. Því er um gríðarlega mikla hagsmuni að ræða.
Ásbjörn RE-50 var gerður tilbúinn til að halda úr höfn í kvöld.
mbl.is/Eggert Jóhannesson
Þegar fréttaritari mbl.is hitti á skipverja á Saxhamri á Rifi sagði hann að ekki væri stefnt á að fara langt á haf út í þetta skiptið, þar sem smábátar hafi undanfarið verið að moka upp fiski á Breiðafirði.
Allt tilbúið til að halda úr höfn um borð í Ásbirni RE-50.
mbl.is/Eggert Jóhannesson
Innviðir þandir og álagið „gríðarlegt“
Hægagangur og vaxandi ókyrrð
Sárt að horfa upp á illa meðferð fjármuna
Bjarkey stendur við skammarbréf Svandísar
Kvikan virðist nú skiptast til helminga
Hafa samþykkt kaup fyrir um 9,2 milljarða
Kveðst tala af virðingu: „Ég er enginn dóni“