Rekstrarfélag Eskju ehf. hefur selt bolfiskvinnslu félagsins að Óseyrarbraut í Hafnarfirði og hættir rekstri. Þetta kemur fram í tilkynningu frá félaginu, sem er dótturfélag Eskju hf.

Ástæða sölunnar er sögð breytt rekstrarumhverfi í vinnslu á bolfiski og einnig breyttar áherslur í rekstri félagsins með tilkomu nýs uppsjávarfrystihúss á Eskifirði, að því er segir í tilkynningunni.

Félagið muni þá í kjölfarið einbeita sér enn frekar að uppsjávarveiðum og vinnslu, ásamt því að halda áfram frekari uppbyggingu á Eskifirði.

Kaupandi vinnslunnar mun vera Fiskvinnslan Kambur ehf. í Hafnarfirði, sem mun flytja starfsemi sína í húsnæðið á næstu mánuðum.

Breytingarnar hafa í för með sér uppsagnir 20 starfsmanna.

Tengdar fréttir

Samdráttur í sjávarútvegi

Fyrrverandi starfsfólki „sé haldið í spennitreyju“

• Hagræðing í skipastól Síldarvinnslunnar
• Uppsagnir þungt högg fyrir samfélagið
• „Þarna eru mörg störf sem eru að tapast“
• 32 sagt upp störfum í Stykkishólmi

» Fleiri tengdar fréttir

• 1 blogg um fréttina

Bloggað um fréttina

• Njörður Helgason: Hafnfirsk fyrirtæki á útleið.