HB Grandi hefur selt Þerney RE-1 til Suður Afríku og verður hún afhent nýjum eigendum 15. nóvember næstkomandi. Tvöföld áhöfn er á Þerney, en 27 eru í áhöfn hverju sinni. Þetta kemur fram í tilkynningu HB Granda til kauphallarinnar.

Segir þar að fyrirtækið muni aðstoða þá í áhöfn Þerneyjar, sem ekki komast í pláss á öðrum skipum félagsins, við atvinnuleit eins og kostur er.

Kaupandinn er þá sagður vera Sea Harvest Corporation Ltd., sem sé öflugt félag í útgerð og vinnslu. Söluverðið sé þá 13,5 milljónir bandaríkjadala eða 1,4 milljarðar króna.

Þerney er frystitogari og er aflinn flakaður og frystur um borð. Þerney var smíðuð árið 1992 í Noregi og hefur verið gerð út af HB Granda frá því hún kom til landsins 1993.

200 mílur greindu fyrst frá fundarboði HB Granda með áhöfn skipsins og fulltrúa Sjómannafélags Íslands, en fundurinn hófst klukkan 16.

Frétt af mbl.is

HB Grandi boðar áhöfn til fundar

Tengdar fréttir

Endurnýjun skipaflotans

Unnið hörðum höndum í nýjum Hákoni

• Ætla að smíða tvö ný fiskiskip
• Togurum fækkaði um þrjá
• „Erum hvergi nærri af baki dottin“
• Sjósettu nýjan Hákon ÞH í Póllandi

» Fleiri tengdar fréttir

• Blogga um frétt