„Bæjarstjóranum til skammar“
Setja bókamerki
„Þessi framganga er ekki bara að mínu mati bæjarstjóranum til skammar heldur bæjarfélaginu líka ef það ætlar að standa við bakið á svona málflutningi,“ segir Óðinn Sigþórsson, nefndarmaður í starfshópi sjávarútvegs- og landbúnaðarráðherra um stefnumörkun í fiskeldi.
Gísli Halldór Halldórsson, bæjarstjóri Ísafjarðarbæjar, sagðist í samtali við mbl.is fyrr í dag ekki ætla að biðjast afsökunar á ummælum sem hann lét falla á bæjarstjórnarfundi 24. ágúst.
Aðdróttanir sem standast ekki
Óðinn segir að ekki sé verið að biðja Gísla Halldór um afsökunarbeiðni í bréfi sem nefndarmenn sendu bæjarstjórn, forseta bæjarstjórnar og formanni bæjarráðs á Ísafirði. Í bréfinu segir að í ummælum bæjarstjóra hafi falist „gróf og ósönn ásökun“ um að fulltrúi veiðiréttarhafa og fulltrúar laxeldisfyrirtækjanna hafi sýnt af sér óheilindi og óheiðarleika í störfum sínum. Í bréfinu er krafist opinberrar afsökunar Ísafjarðarbæjar.
„Þetta er í ætt við annað sem hann sagði á þessum fundi,“ segir hann um viðtalið við Gísla á mbl.is. „Hann er að drótta að nefndarmönnum að þeir hafi með einhverjum óeðlilegum hætti komist að þessari niðurstöðu sem áhættumatið kveður á um. Það kemur skýrt fram í bréfinu að þau ummæli standast ekki.“
Ætti að kynna sér málin betur
Óðinn bætir við að ummæli Gísla um að hann hafi rokið út af fundi og neitað að skrifa undir séu ekki samkvæmt því sem gerðist. Bókunin sem kom fram í lokin hafi ekki varðað samkomulagið heldur meginefni skýrslunnar sem lá fyrir.
„Ég held að þessi ágæti bæjarstjóri ætti að kynna sér þau mál sem hann er að gaspra um opinberlega með þessum hætti.“
Varðandi orð bæjarstjórans á bæjarstjórnarfundinum segir hann að þau hafi verið birt opinberlega og hver sem er geti kynnt sér það sem hann sagði. „Það er ekkert ofsagt í okkar bréfi hvað það varðar.“
Veiting hvalveiðileyfis ekki brot á EES-samningi
Hernaðaraðstoð samþykkt – Vopnasendingar í vikunni
Skemmtiferðaskip hætt komið nærri Viðey
Handtekin eftir að tvö börn fundust látin
Handteknir eftir myndatöku í Vesturbæjarlaug
Eyjafjarðarbraut lokað vegna alvarlegs umferðarslyss
Árshátíð ríkislögreglustjóra haldin í Tékklandi