Trefjar selja nýjan bát til Hvalseyjar

Bátasmiðjan Trefjar hefur selt nýjan bát til útgerðar á Hvalsey. Þetta segir Högni Bergþórsson, tæknilegur framkvæmdastjóri og markaðsstjóri Trefja, en Hvalsey er sjötta stærsta eyja Hjaltlandseyja.

Báturinn, sem er af gerðinni Cleopatra 33 og vegur ellefu brúttótonn, er kominn í hendur útgerðarinnar. Að henni stendur nokkur Allister Irvine, sem jafnframt mun stýra bátnum. 

Sjálfur hefur báturinn hlotið nafnið Spindrift en hann er útbúinn til netaveiða sem og handfæraveiða, auk þess sem makrílkerfi er um borð og hífingarbóma til að auðvelda löndun.

Rými er fyrir fimmtán 380 lítra kör í lest. Í vistarverum er svefnpláss fyrir þrjá auk þess sem þar er eldunaraðstaða með eldavél, örbylgjuofn og ísskáp.

Að sögn útgerðarinnar verður báturinn gerður út frá Hvalsey allt árið og eru veiðar þegar hafnar.

• Blogga um frétt