Auglýsa eftir verki í stað sjómannsins

Margir sjá á eftir veggmyndinni af sjómanninum sem nýverið prýddi gafl sjávarútvegshússins. Frá því að mála þurfti yfir myndina af sjómanninum hefur Atvinnuvega- og nýsköpunarráðuneytið í samvinnu við SÍM, Samtök íslenskra myndlistarmanna, undirbúið samkeppni um nýtt listaverk á húsgaflinn og skal verkið hafa skírskotun í sögu sjávarútvegs á Íslandi.

Þetta kemur fram í tilkynningu frá ráðuneytinu. Segir þar að verðlaunin í samkeppninni séu 250 þúsund krónur og þegar úrslit verði tilkynnt verði haldin sýning á öllum innsendum tillögum á vef ráðuneytisins.

Tillögur skulu sendar á netfangið samkeppni@anr.is fyrir kl. 16:00 fimmtudaginn 18. janúar 2018. Nánari upplýsingar má finna á vef ráðuneytisins.

• Blogga um frétt