Þerney siglir til Suður-Afríku

Frystitogarinn Þerney RE lét úr höfn í Reykjavík um miðjan dag í gær eftir olíutöku. Framundan er löng sigling til nýrrar heimahafnar í Suður-Afríku.

Þetta kemur fram í tilkynningu frá HB Granda en eins og 200 mílur hafa áður greint frá seldi útgerðin togarann til Sea Harvest Corporation (Pty) Ltd. í Suður-Afríku fyrr á þessu ári, fyrir 13,5 milljónir bandaríkjadala eða sem nemur 1,4 milljörðum íslenskra króna.

Frétt af mbl.is

Í land eftir hálfa öld á sjó

Kaupverðið hefur nú að fullu verið greitt og tóku nýir eigendur við skipinu á fimmtudag.

„Þerney, sem reynst hefur hið mesta happafley, var smíðuð árið 1992 í Noregi og hefur skipið verið gert út af HB Granda frá því það kom til landsins 1993,“ segir í tilkynningunni.

„Það er reyndar skammt stórra högga á milli hjá HB Granda þessa dagana því ráðgert er að félagið fái ísfisktogarann Viðey RE afhentan í Tyrklandi um miðja næstu viku. Á hann að vera kominn til Reykjavíkur fyrir jól.“

Frá síðustu löndun Þerneyjar í nóvember síðastliðnum. mbl.is/Árni Sæberg

• Blogga um frétt