Fulltrúar fjögurra íslenskra útgerðarfyrirtækja undirrituðu 1. desember samninga við skipasmíðastöðina VARD í Noregi um smíði sjö fiskiskipa. Skipin eru 29 metrar að lengd, 12 metrar að breidd og geta borið um 80 tonn af ísuðum fiski.

Frétt af mbl.is

Samið um smíði sjö nýrra togara

Síldarvinnslan í Neskaupstað á tvö þessara skipa og segir Gunnþór Ingvason framkvæmdastjóri smíðina vera fyrsta áfanga endurnýjunar ísfisktogara fyrirtækisins. Nýju skipin koma í staðinn fyrir Vestmannaey VE og Bergey VE, sem eru í eigu Bergs-Hugins, dótturfyrirtækis Síldarvinnslunnar.

„Markmiðið með nýsmíðinni er að hagræða í rekstri. Sú hagræðing næst meðal annars með því að setja tvær aðalvélar með tveimur skrúfum í skipin og nýja kynslóð rafmagnsspila. Bæta vinnuaðstöðu sjómanna og meðhöndlun afla,“ segir Gunnþór og bætir við að það sé býsna langt síðan Síldarvinnslan tók á móti nýju skipi.

Noregur samkeppnishæfur í verði

„Það hefur ekki verið ákveðið hvaða skipi verður skipt út fyrir nýsmíðina en við erum nýbúin að selja Oddeyrina svo dæmi sé nefnt,“ segir Þorsteinn Már Baldvinsson, forstjóri Samherja, en Samherji á eitt nýju skipanna sem samið hefur verið um.

Þorsteinn Már segir að veiking norsku krónunnar geri að verkum að Noregur sé samkeppnishæfur í verði. Þeir geti nú keppt við lönd eins og Pólland, Spán og Tyrkland. „Staða Norðmanna endurspeglar samkeppnisstöðu Íslendinga varðandi sölu á fiski,“ segir Þorsteinn Már.

Ítarlegri umfjöllun um nýju skipin sjö má finna í Morgunblaðinu í dag.

Tengdar fréttir

Endurnýjun skipaflotans

Unnið hörðum höndum í nýjum Hákoni

• Ætla að smíða tvö ný fiskiskip
• Togurum fækkaði um þrjá
• „Erum hvergi nærri af baki dottin“
• Sjósettu nýjan Hákon ÞH í Póllandi

» Fleiri tengdar fréttir