Skilyrði fyrir hafísmyndun verið góð

Talsverðar sviptingar hafa verið í hafísútbreiðslu undanfarna daga. Nokkuð samfelld suðvestan átt hefur borið ísinn austur á bóginn og í átt að landinu. Skilyrði fyrir hafísmyndun hafa enn fremur verið afar góð, með köldum og seltulitlum sjó í yfirborði, og lagskipting sjávar væntanlega nokkuð skörp.

Þetta kemur fram í færslu á síðu Eldfjallafræði- og náttúruvárhóps Háskóla Íslands. Segir í henni að unnt hafi verið að fylgjast vel með hafísmyndun út frá gervitunglamyndum. Oft á tíðum myndi hann afar stóra flekki, „en svo hefur hvesst aftur og þá er ísinn fljótur að brotna upp í ölduróti og eyðast.“

Frá og með deginum í dag sé því spáð að vindur snúist til norðaustur, og þá ætti ísinn að verða fljótur að láta sig hverfa af þessum slóðum, að minnsta kosti að sinni, segir í færslunni.

Breytingar á hafísjaðri á Grænlandssundi undanfarna daga.

Gervihnattarmynd frá klukkan 8.05 í morgun.

• Blogga um frétt