Stjórn Loðnuvinnslunnar hf. á Fáskrúðsfirði mótmælir harðlega áformum um stórfellt laxeldi í Fáskrúðsfirði. Segir í tilkynningu frá stjórn útgerðarinnar að áformin séu nú í umsagnarferli án þess að fram hafi farið heildarmat á áhrifum þess á lífríki og burðarþol fjarðarins.

Frétt af mbl.is

Telja erfðablöndun ólíklega

„Samkvæmt fyrirliggjandi frummatsáætlun eru áform um 15.000 tonna laxeldi í Fáskrúðsfirði sem fylgja munu margvísleg umhverfisáhrif. Fyrirtækið Fiskeldi Austfjarða hf. hefur nú þegar leyfi fyrir 3.000 tonna framleiðslu á reglbogasilungi/laxi sem ekki er enn farið að nýta og til viðbótar eru í ferli áætlanir fyrirtækisins um 7.854 tonna framleiðsluaukningu í Fáskrúðsfirði,“ segir í tilkynningunni.

„Þá áforma Laxar fiskeldi ehf. 4.000 tonna laxeldi í firðinum en gangi þessi áform eftir stefnir í um 15.000 tonna eldisframleiðslu í Fáskrúðsfirði, sem er sambærilegt og öll eldisframleiðsla í landinu í dag.“

Stjórnin segir að samkvæmt heimildum frá Landssambandi fiskeldisstöðva verði til, við framleiðslu á einu tonni af laxi, úrgangur sem samsvarar klóakrennsli frá átta manns.

Þannig jafngildi mengun frá 15.000 tonna laxeldi í Fáskrúðsfirði því að skólpi frá 120 þúsund manna byggð verði veitt óhreinsuðu í fjörðinn.

Stjórnin furðar sig á því að umsagna fyrirtækisins hafi ekki verið leitað. mbl.is/Helgi Bjarnason

Hreinn sjór undirstaða hrognavinnslunnar

Enn fremur segir í tilkynningunni að Loðnuvinnslan sé stærsti atvinnurekandinn á Fáskrúðsfirði, en þar starfa að jafnaði 150 manns. Er hrognavinnsla sögð mjög mikilvæg fyrir reksturinn, enda sé hún á þessu ári yfir 20% af framleiðsluverðmæti fyrirtækisins.

„Undirstaða þessarar vinnslu er mikið magn af hreinum og ómenguðum sjó sem dælt er úr firðinum. Stjórn Loðnuvinnslunnar gerir alvarlega athugasemd við að ekki var leitað umsagnar félagsins um þessi áform og að hvergi í frummatsskýrslunni er minnst á þann möguleika að mengandi efni frá fyrirhuguðu fiskeldi muni hafa áhrif á gæði sjávarins og þar með hrognavinnslu í Fáskrúðsfirði.“

Tekið er fram að samkvæmt frummatsskýrslu laxeldisfyrirtækjanna sé staðsetning og stærð fyrirhugaðra sjókvía mjög á reiki. Umfangið sem þar sé sýnt sé allt frá því að vera lítið og að því að firðinum sé nánast lokað.

Stjórnin segir að samkvæmt heimildum frá Landssambandi fiskeldisstöðva verði til, við framleiðslu á einu tonni af laxi, úrgangur sem samsvarar klóakrennsli frá átta manns. mbl.is/Helgi Bjarnason

Fjöreggið á valdi tveggja stofnana

„Þar sem gert er ráð fyrir mestri starfsemi er fjörðurinn um 1300 metrar á breidd og siglingaleiðin innan við 400 metrar. Það er því ljóst að fyrirhugað laxeldi mun þrengja verulega að siglingaleiðum en gott aðgengi skipa er fyrirtækinu lífsnauðsynlegt,“ segir að lokum í tilkynningunni.

„Stjórn Loðnuvinnslunnar furðar sig á að þessi áform hafi verið í undirbúningi í nær 4 ár án þess að umsagna fyrirtækisins hafi verið leitað. Þá er það óskiljanlegt að sveitarfélagið Fjarðabyggð skuli ekki hafa neina lögsögu í máli sem varðar starfsemi sem hefur verið ein af lífæðum Fáskrúðsfjarðar um árabil, heldur er það fjöregg algjörlega á valdi Umhverfisstofnunar og Skipulagsstofnunar.“

Tengdar fréttir

Fiskeldi

Fjárfestingin 115 milljarðar króna

• Bátur Arnarlax verður fyrsti sinnar tegundar
• Lagareldismálið fyrst á dagskrá
• Gera niðurstöður umhverfisvaktana aðgengilegar
• Gagnrýna aðferðir við áhættumat

» Fleiri tengdar fréttir

• Blogga um frétt