Bernhard Esau sjávarútvegsráðherra Namibíu og Sacky Shanghala dómsmálaráðherra landsins eru búnir að segja af sér embættum sínum. Frá þessu er greint á namibíska fréttamiðlinum The Namibian, sem hefur tekið þátt í umfjöllun sem byggir á yfir 30.000 skjölum frá íslenska sjávarútvegsfyrirtækinu Samherja, í samstarfi við Wikileaks, RÚV, Stundina og Al Jazeera.

Frétt af mbl.is

Forseti Namibíu vill losna við spillta ráðherra

Greint var frá því í namibískum miðlum í morgun að Hage Geingob, forseti Namibíu, væri á þeirri skoðun að ráðherrarnir tveir þyrftu að víkja eftir að fjallað var um málefni þeirra í namibískum fjölmiðlum.

Báðir eru þeir sagðir hafa þegið mútugreiðslur frá Samherja í skiptum fyrir að beita sér í þágu hagsmuna fyrirtækisins.

Fram kemur í frétt The Namibian að forseti landsins hafi þó vitað af málinu frá því fyrr á árinu, eftir að ríkissaksóknari Namibíu lét hann vita af ásökunum þess efnis að ráðherrarnir tveir væru flæktir í vafasöm mál.

Sacky Shanghala, fráfarandi dómsmálaráðherra Namibíu (t.v.), ásamt Jóhannesi Stefánssyni, uppljóstrara og þáverandi starfsmanni Samherja, árið 2014. Ljósmynd/Wikileaks

Tengdar fréttir

Samherji í Namibíu

Vilja skoða tölvu Jóhannesar

• Þúsundir smáskilaboða fundust í tölvu
• Vandar Jóhannesi ekki kveðjurnar
• Óvíst hvort niðurstaðan verður kærð
• Yfirframleiðandinn kominn með stöðu sakbornings

» Fleiri tengdar fréttir

• 1 blogg um fréttina

Bloggað um fréttina

• Helga Dögg Sverrisdóttir: Ömurleg staða