Fluttu 18 kör af fiski frá frystihúsinu á Seyðisfirði
Áhöfn Týs hefur á undanförnum dögum sést á tveimur bátum að kanna hamfarasvæðið eftir aurskriðurnar.
mbl.is/Eggert Jóhannesson
Setja bókamerki
Tengdar fréttir
Aurskriður á Austurlandi
Áhöfnin á varðskipinu Tý flutti 18 kör af fiski frá bryggjunni við frystihúsið á Seyðisfirði yfir á ferjubryggjuna í dag til að bjarga verðmætum. Þetta staðfestir Ásgeir Erlendsson, upplýsingafulltrúi Landhelgisgæslunnar, í samtali við 200 mílur.
Varðskipið hefur verið við Seyðisfjörð til þess að geta boðið fram aðstoð sína ef þörf er á í kjölfar skriðufallanna sem féllu á fimmtudag og föstudag í síðustu viku.
Ásgeir segir áhöfnina hafa farið yfir fjörur og kannað hafnarsvæðið í dag. Þá fjarlægði hún meðal annars álplötur úr sjó. Ekkert liggur fyrir um hversu lengi Týr verður á staðnum, að sögn hans. „Sú ákvörðun er tekin í samráði við almannavarnir og viðbragðsaðila á Seyðisfirði.“
Varðskipið Týr.
mbl.is/Eggert Jóhannesson
Tengdar fréttir
Aurskriður á Austurlandi
Hyggjast leyfa fólki að skoða gosið
Ekki byggt í takt við áform sveitarfélaga
„Menn eru bara búnir að forgangsraða“
Aðeins ein leið fær í Grindavíkurmálum
Hægagangur og vaxandi ókyrrð
Markaðurinn hitnar og leiguverð hækkar hratt