Eimskip fagnar 109 árum í dag

Í tilefni af 109 ára afmæli Eimskips hlutu 19 starfsmenn sem hafa náð 25 ára starfsaldri hjá fyrirtækinu gullmerki Eimskips í dag. Þar af þrettán starfsmenn á Íslandi og sex á erlendri grundu.

Fram kemur á vef Eimskips að gullmerkið hafi fyrst verið afhent á árshátíð félagsins þann 18. janúar 1964 í tengslum við hálfrar aldar afmæli þess. Frá þeim tíma hefur starfsfólk sem starfað hefur hjá Eimskip í 25 ár verið heiðrað á þennan hátt, ýmist á árshátíð eða á afmælisdegi félagsins sem rr 17. janúar.

Að þessum nítján sem fengu gullmerkið í dag meðtöldum hafa frá upphafi 527 fengið viðurkenninguna.

„Hjá Eimskip starfar mjög fjölbreyttur hópur fólks af yfir 40 þjóðernum í 20 löndum og er hver einasti starfsmaður mikilvægur hlekkur í starfsemi okkar. Afhending Gullmerkisins er skemmtileg hefð og við erum afar stolt af því hve margir ná háum starfsaldri hjá okkur,“ segir á vef Eimskips.

• 1 blogg um fréttina

Bloggað um fréttina

• Örn Gunnlaugsson: 18 ára verður skyndilega 109 ára.