Framleiðendur setja öryggið á oddinn
Setja bókamerki
BL ehf þarf að innkalla 1.989 Nissan og Subaru bifreiðar sem framleiddar voru á árunum 2004 til 2007. Er það vegna möguleika á loftleka á loftpúðahylki farþegamegin sem getur orsakað að raki komist inn í loftpúðann með þeim afleiðingum að ef púðinn virkjast við óhapp getur hann ekki blásið rétt upp. Möguleiki er á að púðinn losni frá festingu sinni.
„Við fáum innköllunina frá framleiðanda,“ segir Erna Gísladóttir, forstjóri BL ehf. Í samtali við mbl.is. „Við erum með háar öryggiskröfur og fylgjum þessum innköllunum eftir. Við fáum lista frá framleiðanda með upplýsingum um hvaða bílar þetta eru og sendum þeim ábyrgðarbréf. Síðan er fylgst með því að þetta skili sín til bíleiganda.“
Erna segir að hver og einn bíll verði skoðaðir og skoðað hvort að þurfi að skipta um loftpúðahylki. Eftir skoðun fá eigendur bíla sína aftur. Erna segir þetta mjög stóra innköllun, sú stærsta sem hún man eftir. „Það er ekki algengt að þetta gerist. En framleiðendurnir vilja setja öryggið á oddinn í þessu. Þó ekkert hafi gerst vilja þeir vera alveg vissir um að allt sé í lagi.“
Að sögn Ernu er nú verið að fá varahluti í hús og skipuleggja aðgerðir. Ekki er búið að senda út bréf til eigenda þeirra bíla sem verða innkallaðir. „En þegar að því kemur pantar fólk bara tíma. Sumir koma strax og aðrir eftir einhvern tíma, það verður bara vonandi gott flæði.“
Fyrri frétt mbl.is:
