Tékkneski bílsmiðurinn Skoda nýtur óstöðvandi uppgangs því aldrei hefur hann selt fleiri bíla á fyrra árshelmingi en í ár.
Miðað við árið áður jukust nýskráningar Skodabíla um 4,6% á tímabilinu frá áramótum til júníloka. Nam fjöldi þeirra 569.400 eintökum en í fyrra voru þau 544.300.
Í júnímánuði afhenti Skoda kaupendum 98.800 nýsmíðaða sem var aukning um 4,4% frá júní 2015.
Aukningin er að mestu rakin til lykilmarkaða Skoda, í Kína og Evrópu auk þess sem uppsveifla í bílasölu í Rússlandi hjálpaði upp á sakirnar. Á öllum mörkuðum varð umtalsverð aukning í sölu módelanna Skoda Fabia, Skoda Superb og Skota Yeti. Er til dæmis sala flaggskipsins Superb rúmlega tvöfalt meiri í ár en í fyrra.