Kynnir nýja og hagkvæma hópferðabíla
Setja bókamerki
Iveco Bus á Íslandi sýnir næstkomandi laugardag, 1. október, aðilum í ferðaþjónustu nýja hópferðabíla af ýmsum stærðum og gerðum frá Iveco ásamt einum bíl frá Renault, en BL ehf hefur umboð fyrir báða framleiðendurna.
Sýningin fer fram hjá Hyundai í Garðabæ, þar sem umboð Iveco Bus er til húsa. Bílarnir sem sýndir verða taka á bilinu 16 til 53 farþega í sæti auk bílstjóra. Þá er útbúnaðarstig í farþegarýminu einnig mismunandi enda velja kaupendur samsetningu í samræmi tegund þjónustunnar. Fulltrúum ferðaþjónustunnar sem hafa aukin ökuréttindi býðst að fara í reynsluakstur.
Á sýningunni verða m.a. tvær útfærslur af 19 farþega Iveco Daily FBI75 í eigu umboðsins, 26 farþega Iveco Daily FBI85 sem Hópbílar fengu nýlega afhentan og 53 farþega Iveco Magelys Pro með salerni. Rútan er í eigu framleiðandans sem flutti bílinn sérstaklega til landsins vegna kynningarinnar.
Þess má geta að rúturnar í Iveco Bus Magelys línunni eru handhafar International Coach of the Year 2016 sem blaðamenn fjölmiðla sem sérhæfa sig í umfjöllunum um rútur og strætisvagna völdu.
Þá verða einnig sýndar tvær gerðir af nýjum Iveco Crossway Pro, annars vegar rúta í eigu Hópbíla með sæti fyrir 40 farþega og hins vegar strætisvagn hjá Kynnisferðum. Þá verður nýr 16 farþega Renault Master einnig kynntur á sýningunni.
Farþegarútur og strætisvagnar frá Iveco Bus hafa átt vinsældum að fagna hér á landi mörg undanfarin ár og má geta þess að rúmlega 40% fólksflutningabíla fyrir 16 farþega eða fleiri sem skráðir hafa verið hérlendis frá 2004 eru frá Iveco Bus. Þá eru um 70% strætisvagna á höfuðborgarsvæðinu einnig frá Iveco Bus, að því er segir í tilkynningu.
