20,4% aukning bílasölu í nóvember

Nýjum bílum í umferðinni fjölgar stöðugt.
Nýjum bílum í umferðinni fjölgar stöðugt. mbl.is/Golli

Sala á nýjum bílum í nóvembermánuði jókst um 20,4% miðað við sama mánuð árið 2015.

Nýskráðir  fólksbílar á þessu tímabili eru 955 á móti 793 í nóvember í fyrra, sem er aukning um 162 bíla.

Samtals hafa verið skráðir 17.808 fólksbílar þar sem af er árinu og er það 35% aukning frá fyrra ári. 

Bíleigubílar eru nú sem fyrr stór hluti af nýskráningum eða 8.696 stk sem gera um 49% af heildinni á þessum 11 mánuðum ársins. Það er einkum ört vaxandi fjöldi ferðamanna til landsins sem kallað hefur á aukinn fjölgun bílaleigubíla, að því er fram kemur í tilkynningu frá Bílgreinasambandinu.

mbl.is