Fyrsti jeppinn frá Skoda, Kodiaq sem má sjá á meðfylgjandi mynd, er kominn í forsölu hjá bílaumboðinu Heklu.
Bíllinn ber sterk einkenni Skoda-fjölskyldunnar, einkum Superb og Octavia, og sé mið tekið af vinsældum Skoda á Íslandi og vinsældum jeppa almennt hérlendis er ekki ósennilegt að bíllinn veki áhuga væntanlegra bílakaupenda.
Skoda Kodiaq var kynntur fyrir blaðamönnum í nóvember síðastliðnum á eynni Mallorca og ítarleg reynsluakstursumfjöllun mun birtast í næsta tölublaði Bílablaðs Morgunblaðsins, í febrúar.