Það var íslenskt rok og rigning sem tók á móti Lexus LC 500h þegar hann kom í fyrsta sinn til landsins með flugi frá Belgíu í nótt.
Bíða þurfti fram eftir morgni þangað til veðrið leyfði að bíllinn yrði fluttur frá borði. Allt gekk að óskum og ekki annað að sjá en bíllinn tæki sig vel út í rigningunni við Flugstöð Leifs Eiríkssonar.
Nú er verið að flytja hann til Lexus í Kauptúni þar sem hann fær góða aðhlynningu og verður gerður klár fyrir forsýninguna, sem fram fer klukkan 12 til 16 á laugardaginn kemur.