328% söluaukning á Outlander

Mitsubishi Outlander tengiltvinnbíllinn (PHEV) rýkur út hjá Heklu.
Mitsubishi Outlander tengiltvinnbíllinn (PHEV) rýkur út hjá Heklu.

328% söluaukning varð á Mitsubishi Outlander tengiltvinnbílnum (PHEV) fyrstu sex mánuði þessa árs borið saman við sama tímabil í fyrra.

Mitsubishi Outlander PHEV er einn af þeim bílum sem seldir eru á 100 ára afmælistilboði Mitsubishi en um er að ræða vistvænan tengiltvinnbíll sem gengur fyrir bæði rafmagni og bensíni. Fyrstu sex mánuðina seldust 227 eintök af bílnum.

Í tilkynningu frá bílaumboðinu Heklu segir að einn af hverjum fjórum rafbílum sem seldust á landinu fyrstu sjö mánuðum ársins séu af gerðinni Outlander PHEV og tæplega helmingur allra nýskráðra rafmagns- og tengiltvinnbíla komi frá Heklu.

Það hefur verið gaman að fylgjast með endurkomu Mitsubishi síðustu misserin en þessir bílar hafa alltaf átt pláss í hjarta Íslendinga sem kunna að meta gæði og gott verð. Nú í kringum 100 ára afmælið  er þetta enn skemmtilegra að sjá,“ segir Haraldur Ársælsson, vörustjóri Mitsubishi.

Mitsubishi Outlander tengiltvinnbíllinn (PHEV) rýkur út hjá Heklu.
Mitsubishi Outlander tengiltvinnbíllinn (PHEV) rýkur út hjá Heklu.
mbl.is