Fiat atvinnubílasýning 17.-18. nóvember

Bílaumboðið Íslensk-Bandaríska efnir til Fiat atvinnubílasýningar á morgun, föstudaginn 17. nóvember, og laugardaginn 18. nóvember. Sýndir verða Fiat Doblo, Fiat Doblo Maxi og Fiat Duacto auk þess frumsýndir verða Fiat Fiorino sendibíll og Fiat Talento Combi 9 manna fólksbíl. 

„Fiat Fiorino er lipur og nettur sendibíll, sem hentar einstaklega vel við þröngar aðstæður t.d. í akstur og afhendingar í miðbænum,“ segir í tilkynningu.  Fiorino státar af 556 kg burðargetu og 2,5m³ flutningsrými.  Hann er fáanlegur með 1400cc, 78 hestafla bensínvél og kostar frá 1.927.419 án vsk, eða 2.390.000 kr. m/vsk.

Fiat Doblo er traustur og sterkbyggður sendibíll, sem státar af stærsta flutningsrými og mestu burðargetu í sínum stærðarflokki eða 3,4m3 og allt að 1.000 kg burðargetu (Doblo Maxi).  Fiat Doblo kostar frá 2.411.290 kr. án vsk. eða 2.990.000 kr. með vsk.

Fiat Ducato er einn mest seldi sendibíllinn í Evrópu í sínum stærðarflokki.  Vel á þriðju milljón eintaka hafa verið seld og er hann til í fjölmörgum útfærslum og er með sparneytnar, en öflugar vélar.  Ducato kostar frá 3.862.903 kr. án vsk eða 4.185.484 kr.

Fiat Talento Combi er rúmgóður, rúmur og lipur 9 manna bíll, með miklu farangursrými. Hann kostar 4.508.065 kr. án vsk.

Allir nýir Fiat atvinnubílar með 5 ára ábyrgð. 

Sýningin er opin föstudag frá kl. 10-18 og laugardag á milli kl. 12-16 og er í sýningarsal Ís-Band að Þverholti 6, Mosfellsbæ.

• Blogga um frétt