Tryggingafyrirtæki býður konum uppblásinn ferðafélaga

Tryggingafyrirtækið Sheilas´Wheels í Lundúnum býður konum upp á uppblásinn ferðafélaga sem hægt er að geyma í hanskahólfi bifreiðarinnar, en rannsóknir sína að 82% kvenna líður betur undir stýri að kvöldlagi ef þær eru með farþega í bílnum. Ferðafélaginn, eða Buddy on Demand upp á enskuna, var kynntur til sögunnar í dag.

„Við erum ekki að halda því fram að uppblásinn karlmaður sé eina lausnin (við ótta kvenna við að keyra einar að kvöldlagi) en vonum að hann veiti konum aukið sjálfstraust og að þær hræðist síður að keyra einar í myrkri,“ segir Jacky Brown, talskona Sheilas' Wheels. Reuters segir frá þessu.

• 1 blogg um fréttina

Bloggað um fréttina

• Pálína Erna Ásgeirsdóttir: Hahaha ekki hef ég nú trú á að ....