Rúmenar í mál við 20th Century Fox vegna myndarinnar um Borat

Tveir Rúmenar sem koma fram í kvikmyndinni um fréttamanninn Borat hafa farið í mál við bandaríska kvikmyndaverið 20th Century Fox, en þeir krefjast að þeim verði greiddar skaðabætur upp á 30 milljónir dala (sem jafngildir rúmum tveimur milljörðum kr.) fyrir að hafa verið lýst sem glæpamönnum og nauðgurum í kvikmyndinni.

Þeir halda því fram sagt hafi verið við íbúana í þorpinu Glod að þeir myndu leika hlutverk í heimildarmynd sem fjallar um fátækt þeirra.

Þá krefjast þeir að þau atriði sem eru með þeim í myndinni verði klippt út.

Talsmaður kvikmyndaversins, Gregg Brilliant, segir að myndin um Borat hafi ekki verið kynnt neinum í Rúmeníu sem heimildarmynd.

Brilliant segir að þorpsbúar hafi fengið greitt umfram venjulegan taxta og að þeir hafi fengið að blanda geði með leikurunum.

„Þorpið var notað til þess að lýsa skálduðu þorpi í Kasakstan. Þetta var augljóslega háðsádeila.“

• 1 blogg um fréttina

Bloggað um fréttina

• Stefán Friðrik Stefánsson: Borat