Cowell hafnar gagnrýni á „illkvittni“ í American Idol

Framleiðendur þáttanna American Idol hafna þeirri gagnrýni að aldrei hafi verið meiri illkvittni í þáttunum en í nýjustu seríunni, sem hófst á þriðjudaginn. Einn dómaranna, hinn alræmdi Simon Cowell, sagði einn keppandann líta út eins og „frumskógardýrin með risastóru augun ... hálfapar“.

Rúmlega 37 milljónir sjónvarpsáhorfenda fylgdust með fyrsta þættinum í nýju seríunni, og hefur áhorf á þættina aldrei verið meira. Cowell sagði við fréttamann: „Þeir sem þola ekki að heyra svonalagað eiga ekki að taka þátt.“

Cowell sagði að hálfapalíkingin hefði verið alveg óundirbúin. Ef keppandanum væri misboðið „biðst ég afsökunar. Það er ekki víst að ég kalli neinn hálfapa aftur.“

Ken Warwick, framleiðandi þáttanna, sagði að áhorfendur vildu fá að sjá þá söngvara sem stæðu sig verst. „Það eru verstu söngvararnir sem auka áhorfið mest,“ sagði Warwick.

• 1 blogg um fréttina

Bloggað um fréttina

• TómasHa: Ekkert nýtt