Segist telja að fíkniefnasmygl hafi verið vegna fíkniefnaskuldar
Setja bókamerki
Karl Bjarni Guðmundsson, sem bar sigur úr býtum í fyrstu Idol-Stjörnuleit söngvakeppninni, var handtekinn á Keflavíkurflugvelli í síðustu viku með tæp tvö kíló af kókaíni í farangri sínum. Sveinbjörg Karlsdóttir, móðir Karls Bjarna, kom fram í Kastljósi Sjónvarpsins í kvöld og tjáði sig um málið og sagðist ekki í nokkrum vafa um að sonur hennar hafi verið sendur í þennan leiðangur til að greiða fyrir fíkniefnaskuld.
Karl Bjarni hefur verið úrskurðaður í þriggja vikna gæsluvarðhald vegna rannsóknar málsins.
Sveinbjörg sagðist m.a. vera ósátt við hversu fljótir fjölmiðlar voru að nafngreina son sinn í tengslum við málið. Þá sagðist hún jafnframt vonast til að hann hlyti sinn dóm sem allra fyrst til að fjölskyldan gæti fengið að hitta hann en Karl Bjarni er í einangrun á meðan á rannsókn málsins stendur yfir.
Sveinbjörg sagði að sonur sinn hefði sennilega verið í fíknefnaneyslu síðustu misseri og líklegt væri að það álag, sem fylgdi sviðsljósinu, hafi átt þátt í því.
/frimg/1/53/8/1530844.jpg)
Myndir: Náttúrulegur þröskuldur að taka við
Hópur fólks reyndi að komast að eldgosinu
Reiðubúin að aflýsa verkföllum í fjórum leikskólum
Pútín reynir allt til að forðast aðra herkvaðningu
Nýtt fangelsi í landi Stóra-Hrauns tilbúið 2028
Sólveig Anna furðar sig á aðferðum kennara
