Angelinu Jolie er í nöp við George Clooney

Angelinu Jolie er ekki vel við George Clooney, að því er fullyrt hefur verið. Hún neitaði að mæta á frumsýningu nýjustu myndar hans, „Michael Clayton,“ í New York í síðasta mánuði.

„Hún spurði Brad hvort honum væri ekki sama þótt hann færi einn, en Brad sagði að hún hefði í rauninni ekki verið að spyrja. Honum var alveg sama,“ er haft eftir heimildamanni.

Talið er að Angelina óttist að Clooney, sem er alræmdur kvennabósi, leiði Brad á villigötur og komi í veg fyrir að hann sinni föðurhlutverkinu.

„Angie kann ekki vel við neinn af vinum Brads. Þegar þau eru í Los Angeles reynir hún að telja hann af því að fara út með strákunum,“ hefur tímaritið Life and Style Weekly eftir heimildamanni.

Svo virðist sem Clooney kunni heldur ekki sérlega vel við Angelinu. Ekki er langt síðan hann atyrti frægar konur sem ættleiða börn frá öðrum löndum, og sagði að þær geri það til að fylla upp í tómarúm á ferlinum.

„Það ríkir hvergi meiri grimmd en í Hollywood. Eftir fáein ár er ferll leikkonu búinn. Hún hefur verið eftirsóttust allra er henni skyndilega vísað á dyr einn daginn. Það fyrsta sem margar konur gera til að fylla upp í tómarúmið er að ættleiða börn. Er ekki eitthvað brogað við það?“

• 1 blogg um fréttina

Bloggað um fréttina

• Daníel Pétur Daníelsson: Er tilgangur lífsins að vera í nöp við Gogga Clooney?