Beckham hjónin vilja fleiri börn

David og Victoria Beckham vilja stækka fjölskylduna sem fyrst. Þau eiga þrjú börn fyrir og geta ekki beðið eftir því að eignast fleiri.

„Við viljum stóra fjölskyldu. Það er skondið í ljósi þess að þegar við byrjuðum saman ræddum við ekkert um hve mörg börn við myndum vilja,“ sagði David Beckham í viðtali við Ellen DeGeneres.

Einnig sagði hann að sér hefði liðið illa í myndatöku fyrir Emporio Armani en þar var Beckham myndaður í nærfötum. „Mér líður ágætlega að vera nakinn heima fyrir en meðan á myndatökunni stóð leið mér hálf illa að vera í nærfötum einum saman,“ sagði kappinn.