Vilja opna safn tileinkað Tónaflóði

Ferðamálayfirvöld í Austurríki hafa áhuga á að opna safn í Salzburg tileinkað kvikmyndinni Tónaflóðið, Sound of Music, þar sem Julie Andrews og Christopher Plummer fóru með aðalhlutverkin.

Austurríska von Trapp fjölskyldan sem fjallað er um í kvikmyndinni frá árinu 1965 bjó í Salzburg áður en hún flúði heimili sitt í seinni heimstyrjöldinni.

Telja ferðamálayfirvöld að safnið hefði mikið aðdráttarafl fyrir ferðamenn og að um 140 þúsund gestir myndu heimsækja safnið, ef það verður að veruleika, á ári. 

En það eru ekki allir sáttir við hugmynd ferðamálayfirvalda. Yfir 600 íbúar í nágrenni húss von Trapps fjölskyldunnar hafa ritað undir skjal þar sem þeir krefjast þess að safnið verði ekki til húsa í nágrenninu þar sem fjöldi ferðamanna myndi tefja umferð um hverfið.

• 1 blogg um fréttina

Bloggað um fréttina

• Helgi Már Barðason: Tvær flugur