Britney með lystarstol?

Fregnir herma að bandaríska söngkonan Britney Spears misnoti laxerolíu og kasti upp eftir hverja máltíð. Að undanförnu hefur Britney þótt líta betur en hún hefur gert um langt skeið, og í viðtölum hefur hún þakkað þann árangur góðu mataræði og reglulegri hreyfingu. Nú hefur hins vegar einn lífvarða hennar sagt að hún þjáist af lystarstoli.

„Hún borðar mest á skyndibitastaðnum Taco Bell, og skolar matnum niður með Red Bull-orkudrykk. Svo kastar hún upp eftir hverja máltíð, hvort sem hún er heima hjá sér eða á veitingastöðum, og hún er ekkert að reyna að fela það. Nánustu ættingjar hennar og vinir telja að hún þjáist af búlimíu,“ sagði góður vinur eins af lífvörðum hennar í samtali við bandaríska tímaritið Star.

Þá mun því einnig hafa verið haldið fram að hin 26 ára gamla söngkona noti hin ýmsu lyf til að halda kílóunum í lágmarki.