Lottóvinngshafinn kominn fram

Vinningshafinn í laugardagslottóinu er kominn fram. Á vef Íslenskrar getspár segir að í dag hafi komið stressaður, ungur maður á skrifstofur Lottósins, sem varla sé búinn að jafna sig eftir að hafa komist að því að hann var einn með allar 5 tölurnar réttar í Lottó og hafði unnið sér inn tæpar 47 skattfrjálsar milljónir.

Ungi maðurinn hafði verið að skemmta sér á föstudeginum og ákvað að koma við á N1 í Hafnarfirði á leiðinni heim, aðfararnótt laugardags, til að freista gæfunnar og vera með í Lottópottinum. Maðurinn segist oft spila með og bar það svo sannarlega góðan árangur í þetta sinn.

Maðurinn var að vonum mjög ánægður og hyggst nota peningana til þess að fara í nám en það hefur hann ekki leyft sér fram til þessa. Það má því með sanni segja að vinningurinn hafi komið á góðan stað.

• 2 blogg um fréttina

Bloggað um fréttina

• Þóra Mjöll Jensdóttir: Til hamingju
• Stefán Friðrik Stefánsson: Byggt til framtíðar með lottóvinningi