Sönghópurinn Hljómeyki flytur íslenska kirkjutónlist í Skálholtsdómkirkju á morgun. Tónleikarnir hefjast klukkan 16.

Á efnisskránni eru íslensk kórverk sem flutt hafa verið á liðnum árum af Hljómeyki á Sumartónleikum í Skálholti, en Hljómeyki hefur frá árinu 1986 haldið eina tónleika á hverju sumri þar sem frumflutt hafa verið ný íslensk kórverk.

Tónleikarnir eru liður í sýningunni Endurreisn Skálholts sem stendur fram í apríl á þessu ári.

Aðgangur að tónleikunum er ókeypis.