Uppselt er á tónleika Bryans Ferrys í Hörpunni á hvítasunnudag og hefur verið ákveðið að bæta við aukatónleikum á annan í hvítasunnu, 28. maí. Hefst miðasala á aukatónleikana á morgun.
Sala á miðum á fyrri tónleikana hófst á hádegi og varð fljótt uppselt. Var því ákveðið að bæta við öðrum tónleikum. Í fréttatilkynningu segir að Ferry og félagar séu mjög spenntir að koma hingað til lands.