Bandaríska kvikmyndaleikkonan Jodie Foster gekk að eiga unnustu sína, ljósmyndarann Alexandra Hedison, um síðustu helgi. Þetta staðfesti talskona leikkonunnar í dag samkvæmt frétt AFP en vildi ekki veita frekari upplýsingar um málið.
Fram kemur í fréttinni að parið hafi verið saman í um ár en Foster fór fögrum orðum um Hedison í ræðu á Golden Globe-hátíðinni á síðasta ári. Hún neitaði því þó að hún hafi þar með verið að lýsa yfir kynhneigð sinni formlega. Það hefði hún gert löngu áður.