Tímaritið Peple birtir í nýjustu útgáfu blaðsins myndir úr brúðkaupi Angelinu Jolie og Brad Pitt.
Athöfnin fór fram hinn 23. ágúst sl. og voru einungis tuttugu vinir og ættingjar viðstaddir. Hjónavígslan fór fram í Château Miraval-kapellunni á landi fjölskyldunnar í Correns í Frakklandi.
Brúðarkjóllinn var skreyttur með listaverkum barna þeirra hjóna en þau eiga sex börn og tóku þau öll þátt í athöfninni. Í viðtali við People segja þau Pitt og Jolie að það hafi verið mikilvægt í þeirra huga að dagurinn væri afslappaður og mikið væri hlegið. Enda dagurinn sérstakur í þeirra huga sem og barnanna og mikil hamingjustund.