Tónlistarkonan Avril Lavigne hefur verið gift Chad Kroeger, söngvara hljómsveitarinnar Nickleback, í rúmt ár en hjónaband þeirra er sagt hanga á bláþræði þar sem þau eiga erfitt með að treysta hvort öðru.
Heimildarmaður E! segir þau rífast stanslaust og vera afbrýðisöm. „Þau eru að glíma við erfiðleika, þau eru bæði afbrýðisöm. Hún var líka mjög óörugg fyrir.“
Hin 29 ára Lavigne er þó sögð vilja eignast börn með Kroeger bráðlega. „Ég veit ekki hvað mun gerast, hana langar virkilega í barn,“ sagði heimildarmaður E!.
Lavigne og Kroeger byrjuðu saman í júlí árið 2012, þau trúlofuðu sig mánuði seinna.