Ítalski hönnuðurinn Miuccia Prada sætir nú rannsókn hjá ítölskum skattayfirvöldum vegna gruns um skattsvik.
Miuccia Prada og eiginmaður hennar, Patrizio Bertelli, eru talin hafa svikið undan skatti í þó nokkurn tíma en skattaskýrslur þeirra eru sagðar „ónákvæmar“. Þessu er greint frá á heimasíðu WWD.com.
Hin 65 ára Miucci Prada neitar sök. Talið er að hún hafi nú þegar borgað um 72 milljónir króna í skatt á þessu ári.
Carlo Mazzi , talsmaður Prada, vildi lítið tjá sig um málið og sagði í yfirlýsingu að hvorki starfsmenn né aðstandendur Miuccia Prada séu inni í þessum málum.