Notendur Twitter hafa áreiðanlega tekið eftir því að jólaprófin nálgast, hvort sem er í háskólum eða framhaldsskólum landsins. Á þessum tíma árs þurfa nemendur að verja óheyrilega löngum tíma við lestur. Stundum þverr þó einbeitingin, og freistingin að „kíkja aaaðeins á facebook“ verður viljanum yfirsterkari.
Þeir sem hafa gengið í gegnum þá þrekraun sem lokapróf eru vita að þetta er gjarnan erfiður tími, sérstaklega í mesta skammdeginu í desember.
Af einhverjum ástæðum þá virðist þó sem próf hafi þau áhrif á fólk að það verður oft alveg stórkostlega fyndið, eins og sjá má af þessari stuttu samantekt á prófatístum.
Laganemar hafa, eins og greinarhöfundi er mjög vel kunnugt, ótrúlega súran húmor. Þessi er samt með þeim betri:
Eina sem ég sé fyrir mér þegar ég les um að máli hafi verið ,,vísað heim í hérað" #shire pic.twitter.com/jA8AhkOpcY
— Klara Óðinsdóttir (@Klodinz) November 26, 2014
Einhver er með pikköpplínurnar á hreinu:
"Stelpur þið eruð sætar. Afhverju eruð þið ekki að læra í VR II? Þar finniði strákana sem skaffa vel í framtíðinni" #Oddadolgurinn
— Edda Konráðsdóttir (@eddakon) November 25, 2014
Herra Disco sneri skemmtilega upp á gamalt jólalag:
Bráðum koma blessuð jólin bugun fer að detta inn. Allir fá þá eitthvað fall-legt Í það mesta fjóra, fimm.
— Ori (@HerraDisco) November 25, 2014
Gera má ráð fyrir að íbúð hins hefðbundna námsmanns sé aldrei jafnhrein og þegar prófin nálgast:
Íbúðin hefur aldrei verið jafn hrein, búin að þrífa gluggana og ég hef aldrei verið jafn virk á samfélagsmiðlum #Próf #HvaðErAð #99problems
— Elisabet Hanna (@elisabethanna) November 23, 2014
Jafnvel þótt jólapróf hafi verið jafnstór hluti af aðventunni og mandarínur og jólaljós, þá verður að segjast að það er óneitanlega gott að vera laus við þau:
Maður er svo fljótur að detta úr sínu gamla tempói - ég er hissa á hverjum degi að það séu að koma próf hjá einhverjum. #ahh #nice
— Brynhildur Bollad. (@brynhildurbolla) November 20, 2014
Þegar lesturinn bregst er hjátrúin næst:
— Stulli Bagg (@stumagg) November 24, 2014