Myndir af köttum er það sem margir skoða helst á alnetinu en hipsterar í menningarborginni New York hafa nú tekið ást sína á undirförlu ferfætlingunum skrefinu lengra. Þeir láta nú brenna myndir af köttunum á húð sína á húðflúrstofum þar í borg.
Húðflúrlistakonan Betty Rose hefur gert kattarflúrin að sérgrein sinni en hún er með stofu í Williamsburg-hverfinu í New York. Sjálf er hún með húðflúr af kettinum sínum á höndinni.