Bandaríski tónlistarmaðurinn Jay Z kynnti í gær nýja tónlistarveitu sem byggir á norrænum rótum en auk hans eru hluthafarnir þekktir tónlistarmenn. Jay Z keypti norrænu tónlistarveituna Tidal sem og sænska móðurfyrirtækið Aspiro fyrir skömmu.
Í New York í gær var greint frá því hvaða tónlistarmenn eru meðal eigenda en þar má nefnda Madonnu, Beyonce, Kanye West auk 13 annarra. Vonast er til þess að Tidal nái að keppa um hylli almennings við Spotify, Deezer og Google Play.