Úrslitin réðust á lokaspurningunni

Reykjavík bar sigurorð af Fljótsdalshéraði í æsispennandi úrslitaþætti Útsvars nú í kvöld. Fljótdalshérað hélt sannfærandi forystu lengi vel en eins og unnendur Útsvars þekkja skipast skjótt veður í lofti þegar kemur að lokametrunum.

Úrslitin réðust á síðustu spurningunni og þurftu Reykvíkingar að gefa rétt svar við 15 stiga spurningu til að sigra. Reykvíkingar þóttust hinsvegar kannast við lýsinguna á meintum líkklæðum Jesú frá Nasaret og kom það líka á daginn að þeir höfðu laukrétt fyrir sér og sigruðu með 70 stigum gegn 66.

Meðal þess sem Reykvíkingar hlutu í verðlaun var ávísun upp á 200 þúsund krónur til að eyða í góðgerðarstarf í heimabyggð. Verkefnið sem varð fyrir valinu var gistiskýlli fyrir heimilislausa karla við Lindargötu

Verðlaunagripinn Ómarsbjölluna afhenti Stefán Pálson sjálfursem hefur leikið marga keppendur grátt með kvikindislega slungnum spurningum en þetta mun vera síðasta skiptið sem hann sér um spurningarnar í Útsvari.

• Blogga um frétt