Segir kynleiðréttingu Jenner tilgangslausa

Sjónvarpssálfræðingurinn Phil McGraw, betur þekktur sem Dr. Phil, segir of seint fyrir Bruce Jenner að gangast undir kynleiðréttingu.

 McGraz lét ummælin falla þremur dögum áður en ólympíufarinn og raunveruleikastjarnan Bruce Jenner tilkynnti um kyn sitt í viðtali við Diane Sawyer sem beðið hafði verið með eftirvæntingu.

 Jenner sem er 65 ára sagðist vera alltaf hafa verið kona í sál sinni þó svo að ytra byrðið endurspeglaði það ekki enn sem komið væri. Í viðtali í spjallþættinum Jimmy Kimmel Live á miðvikudag lét McGraw hinsvegar þau orð falla að kynleiðrétting hefði engan tilgang þegar maður hefði náð svo háum aldri og að honum þætti málið í heild óspennandi.

 „Þú ert næstum 80! Hver er tilgangurinn?“ sagði McGraw sem er einu ári yngri en Jenner. McGraw gaf einnig í skyn að gæti ekki notið kynlífs vegna aldurs síns. „Ég veit það ekki. Hann er orðinn fullgamall fyrir það ekki satt?“

Sérfærðingar hafa gagnrýnt orð McGraw og segja það sýna fram á þekkingarleysi og fordóma. Dr. Harold Reed sem sérhæfir sig í kynleiðréttingu segir í samtali við vefmiðilinn Radar að aldur Jenner sé engin hindrun á leiðinni til lífshamingju. „Elsti sjúklingurinn minn er 93 ára,“ segir Reed. „Það er enginn rangur aldur.“

 Fréttir mbl.is:
Stelpa föst í líkama stráks

Fjölskyldan stolt af Bruce Jenner

Phil McGraw ásamt eiginkonu sinni, Robin McGraw. AFP

• Blogga um frétt