Svíþjóð er sigurvegari í Eurovision 2015.

Söngvarinn Måns Zelmerlöw söng sig inn í hjörtu Evrópu með frammistöðu sinni í keppninni en hann flutti lagið „Heroes“. Úrslitin urðu ljós áður en stigagjöfinni lauk og var Zelmerlöw ákaft fagnað. Rússland lenti í öðru sæti og Ítalía í því þriðja.

Það þýðir að Söngvakeppni evrópskra sjónvarpsstöðva mun fara fram í Svíþjóð á næsta ári. Þetta er sjötti sigur Svía í keppninni sem þýðir að þeir eiga nú næstflesta sigra í Eurovision í gegnum tíðina á eftir Írum sem hafa sigrað sjö sinnum.

„Við erum öll hetjur,“ sagði Zelmerlöw þegar hann tók við bikarnum.

Þess má geta að Dagur B. Eggertsson, borgarstjóri Reykjavíkur, lofaði fyrr í kvöld að mæta í leðurbuxum í vinnuna kæmi til þess að Svíþjóð sigraði. Nú er að standa við stóru orðin, Dagur.

AFP

AFP

Tengdar fréttir

Eurovision

Bashar Murad tekur þátt í Falastinvision

• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum
• „Brynjar getur sameinað alla þjóðina“

» Fleiri tengdar fréttir

• 1 blogg um fréttina

Bloggað um fréttina

• Ómar Ragnarsson: Hliðstæður "húkkur" og "We are the champions!"