Stephen Glover, betur þekktur sem Steve-O úr þáttunum Jackass, hefur verið dæmdur í 30 daga fangelsi eftir mótmæli sem hann skipulagði gegn skemmtigarðinum SeaWorld.
Contactmusic greindi frá því að Glover hefði klifrað upp í háan byggingarkrana við Sunset Boulevard í Hollywood, þar sem hann kom fyrir uppblásnum háhyrningi sem á stóð „Seaworld sucks“. Auk þess sprengdi hann flugelda á toppi kranans.
Lögregla og slökkvilið voru kölluð á staðinn, en Glover klifraði þó niður af sjálfsdáðum. Þegar niður kom var hann handtekinn fyrir að fara inn á lóð í leyfisleysi og stunda myndbandsupptökur án þess að hafa fyrir þeim tilskilin leyfi.
Áhættuleikarinn sér ekki eftir gjörðum sínum, því eftir atvikið deildi hann mynd með fylgjendum sínum á Instagram þar sem meðal annars sem stóð:
„Ég meina, ef þú ætlar að vekja athygli á málstað dýra sem haldið er í ánauð gætir þú allt eins látið loka þig inni.“
Þetta er ekki í fyrsta sinn sem Glover mótmælir SeaWorld því í fyrra klifraði hann upp á vegaskilti sem vísar veginn í skemmtigarðinn í Orlando. Þar kom hann fyrir skilti fyrir aftan nafn garðsins sem á stóð „sucks“.
A photo posted by Steve-O (@officiallysteveo) on Sep 4, 2014 at 3:31pm PDT