Ofurhetjur á ystu nöf

Framleiðendur kvikmyndarinnar um Leðurblökumanninn gegn Ofurmanninum stríddu aðdáendum ofurhetjanna með nýrri en örstuttri stiklu úr myndinni í gær. Þótt enn séu tæpir fjórir mánuðir í að myndin verði frumsýnd er spennan aðdáenda orðin svipað mikil og sú sem er á milli ofurhetjanna tveggja í stiklunni.

Örstiklan er innan við mínúta að lengd og sýnir spennuþrungið augnablik á milli Ofurmannsins og Leðurblökumannsins en sá síðarnefndi lítur út fyrir að vera fangi hins fyrrnefnda án þess að frekara samhengis. Lofað er að lengri stikla verði birt í spjallþætti Jimmy Kimmel í Bandaríkjunum annað kvöld.

Lítið hefur lekið út um söguþráð myndarinnar sem ber titilinn Batman vs. Superman: Dawn of Justice. Eins og titillinn ber með sér má þó gera ráð fyrir að hann einkennist af átökum á milli þessara tveggja þekktustu ofurhetjupersóna heimsins.

• Blogga um frétt