Seinna undankvöld söngvakeppni sjónvarpsins var haldið í kvöld en úrslitakeppnin mun fara fram í Laugardalshöll næstkomandi laugardagskvöld.

Lögin „Augnablik“, „Á ný“ og „Spring yfir heiminn“ komust áfram í úrslitakeppnina en þau voru öll kosin áfram í kvöld.

Lagið „Augnablik“ er flutt af Öldu Dís og er eftir Ölmu Goodman og James Wong.

„Á ný“ er flutt af Elísabetu Ormslev og er lagið eftir Gretu Salóme Stefánsdóttur.

Loks er „Spring yfir heiminn“ flutt af Þórdísi Birnu Borgarsdóttur og Guðmundi Snorra Sigurðssyni, en lagið er eftir Júlí Heiðar Halldórsson.

Þegar voru komin áfram þau Greta Salóme með lagið „Raddirnar“, Erna Hrönn og Hjörtur Traustason með lagið „Hugur minn“ og Karlotta Sigurðardóttir með lagið „Óstöðvandi“.

Tengdar fréttir

Eurovision

Bashar Murad heldur tónleika á Íslandi

• Bashar Murad tekur þátt í Falastinvision
• „Þetta er ekki það sem þjóðin hefur verið að kalla eftir“
• Guðrún Dís lýsir Eurovision
• Heru Björk ekki spáð upp úr riðlinum

» Fleiri tengdar fréttir

• Blogga um frétt