Hin geðþekka leikkona Jennifer Lawrence tilkynnti á föstudag um að hún hyggðist gefa tvær milljónir dala, andvirði um 250 milljóna ísl. kr., til Kosair barnaspítalans. Til þess stofnaði hún sjóðinn „Jennifer Lawrence Foundation Cardiac Intensive Care Unit” en Kosair barnaspítalinn er staðsettur í Louisville þar sem Lawrence ólst upp.
„Fjölskyldan mín hefur hitt svo marga æðislega krakka í heimsóknum okkar á spítalann. Styrkur þeirra og hugrekki veitir okkur mikinn innblástur,” sagði Lawrence en hún skoraði jafnframt á aðra til þess að gefa sömu fjárhæð til góðgerðarmála.
Lawerence, sem er þekktust fyrir hlutverk sitt í Hungurleikunum, er tilnefnd til Óskarsverðlauna fyrir aðalhlutverk sitt í kvikmyndinni Joy. Hún hlaut Óskarinn fyrir besta leik í aðalhlutverki árið 2012 fyrir hlutverk hennar í Silver Linings Playbook.